Cайтимизга хуш келибсиз!

Ўзбекистон касаба уюшмалари Федерацияси Ўқув маркази

Манзил:
Тошкент шаҳар Мирзо Улуғбек тумани
Буюк Ипак Йўли кўчаси, 115-уй.
Телефон: 268-34-18, 267-69-72
Тел/факс: 268-58-94
E-mail: oquv.markaz@kasaba.uz

Ўқув марказининг масофали таълим портали

Самарали ўқув хафталиги

Жорий йилнинг 4 -9 феврал кунлари “Ўзбекистон касаба уюшмалари Федерациясининг Ўқув маркази”НТМда Агросаноат мажмуи ходимлари касаба уюшмаси тизимидаги бошланғич ташкилотлар касаба уюшма қўмитаси раисларининг малакасини ошириш бўйича ўқув ўтказилди.

Малака ошириш курсига 13 та вилоят ва Тошкент шахридан 24 бошланғич касаба уюшма қўмитаси раислари Касаба уюшмалари Федерацияси кенгаши ва Республика кенгашининг малакали кадрлари шунингдек бошқа маърузачилар томонидан ўз билим савиясини ошириш, дунёқарашини кенгайтириш ва сохадаги булаётган муаммолар ечимини топиш ва таклифлар олиш бўйича билим орлдилар ва ўзаро тажриба алмашдилар. Жумладан, бошланғич касаба уюшма қўмитаси ишларини устав асосида юритиш, санатория ва дам олиш уйларига шунингдек болалар оромгохлари учун йўлланмаларни расмийлаштириш тартиби, молиявий холат, меҳнат мухофазаси ва хуқуқий билимлар бўйича малака оширдилар. Дарс жараёнида эшитувчиларни маънавий дам олишлари учун Миллий театрга шунингдек амалий машғулот ўтишлари учун Ўзбекистон Агросаноат мажмуи ходимлари касаба уюшмаси Республика кенгаши тизимидаги Аграр университетининг бошланғич касаба уюшмаси қўмитаси  фаолияти билан танишдилар.

Унда ўқувчилар учун яратилган шароитлар, кутубхоналар, институтнинг экин экиладиган тажриба майдони ва янги яратилаётган кластерлик фаолияти бўйича илмий амалий семинарда иштирок этишдилар.

Ўқувда Аграсаноат мажмуи ходимлари

   Жорий йилнинг 31 январ куни Ўзбекистон касаба уюшмалари Федерациясининг Ўқув-марказида Тошкент вилояти Агросаноат мажмуи ходимлари касаба уюшмаси туман ва бошланғич касаба уюшмалари ташкилотлари тажрибаси асосида ўқув-семинари ўтказилди.

Мазкур семинарда тармоқ корхона ва ташкилотларда ходимларнинг меҳнат, ижтимоий-иқтисодий ҳамда ҳуқуқий масалаларини ҳимоя қилиш борасидаги касаба уюшмаларининг ўрни ва улар томонидан амалга ошириб келинаётган ишлар тўғрисида тўхалиб ўтилди.

Сўзга чиққан Тошкент туман кенгаши раиси Ж.Саидов ва Оққўрғон туман кенгаши Қ.Субановлар ҳамда Тошкент тумани Ободонлаштириш бошқармаси ва Оққўрғон тумани Агроиқтисодиёт касб-хунар коллежи бошланғич касаба уюшмалари ташкилотлари раислари, бошланғич ташкилотларда меҳнат муҳофазаси ва хавфсизлиги таъминлаш долзарб масалалардан бири ҳисобланиши ҳамда касаба уюшмалари томонидан жамоатчилик назорати йўлга қўйилганлиги натижасида бахтсиз ҳодисалар содир бўлишига йўл қўйилмаётганлиги тўғрисида айтиб ўтишди.

Семинар давомида презентацияси билан сўзга чиққан Республика кенгашининг Меҳнатни муҳофаза қилиш бўлими мудири Х.Умаров қишлоқ хўжалигида меҳнат муҳофазаси ва хавфсизлигини таъминлаш бўйича семинар иштирокчиларига атрофлича тушунтириш берди.

Жумладан, семинарда Агросаноат мажмуи ходимлари Республика Кенгашининг Ташкилий бўлим бош мутахассиси Ш.Бегимкулова, Тошкент вилояти касаба уюшмалари ташкилотлари Бирлашмаси Кенгашининг меҳнатни муҳофаза қилиш бўлими етакчи мутахассиси Ш.Хазраткулов, вилоят Бандлик бош бошқармаси Давлат техник инспектори Б.Камолов, вилоят Тиббий-ижтимоий экспертиза инспекцияси мутахассиси Г.Бекжанова, Ўзагросуғурта акциядорлик жамияти Тошкент вилоят филиали раиси А.Анарбаевлар ҳамда Агросаноат мажмуи ходимлари касаба уюшмаси туман кенгашлари раислари, хисобчилари, ишлаб чиқариш корхоналарида фаолият юритувчи меҳнат муҳофаза ва хавфсизлик техникаси мухандислари, бошланғич ташкилот раислари ҳамда йирик фермер хўжаликлари раислари ҳамда Ўқув марказида малака ошираётган Агросаноат мажмуи ходимлари туман кенгашлари раислари иштирок этишди.

Семинарда, Қишлоқ хўжалигида меҳнат муҳофазаси ва хавфсизлигини таъминлашда долзарб бўлган масалаларга кенга тўхталиб, унда иш берувчининг фуқаролик жавобгарлигини мажбурий суғурта қилиш ва унинг аҳамияти, меҳнатда жабрланган ходимларга меҳнат қобилияти йўқотганлик даражасини белгилаш тартиблари, зарар тўловларини олиш ҳуқуқига эга шахслар ва боқувчисини йўқотган шахсларга тўланадиган зарар тўловларни тўлаш тартиблари, меҳнат қонунчилиги ва тизимдаги корхоналарда меҳнат муносабатларини тартибга солиш тўғрисида тушунтиришлар шунингдек семинар иштирокчиларининг саволларига мутахассислар томонидан аниқ  жавоблар берилди.

Семинар якунида Агросаноат мажмуи ходимлари ходимлари касаба уюшмаси тизимидаги корхона ва ташкилотларда ходимларнинг меҳнат, ижтимоий-иқтисодий ва хуқуқий манфаатларини ҳимоя қилиш борасида яхши натижаларга эришган, соғлом ва хавфсиз меҳнат шароитларини яратишда, иш берувчи билан ижтимоий ҳамкорликни йўлга қўйган касаба уюшмаси туман кенгаши раислари ва бошланғич таашкилотлар раислари ҳамда меҳнат муҳофазаси ва хавфсизлик техникаси муҳандисларига Ўзбекистон Агросаноат мажмуи ходимлари касаба уюшмаси Республика кенгашининг ташаккурномалари топширилди.

Ўзбекистон Агросаноат мажмуи ходимлари касаба уюшмаси Республика кенгаши Меҳнатни муҳофаза қилиш бўлими мудири

Х.Умаров     

ҲИСОБЧИЛАР МАЛАКА ОШИРДИ

Ўзбекистон касаба уюшмалари Федерациясининг Ўқув марказида Агросаноат мажмуи ходимлари касаба уюшмаси тизимидаги туман ва шаҳар кенгашлари бош ҳисобчилари учун бир ҳафталик ўқув ташкил этилди.

Касаба уюшмалари Федерацияси Кенгаши ва Республика кенгаши ходимлари, шунингдек, тизимда фаолият кўрсатаётган турли ташкилот мутахассислари томонидан қилинган маърузаларда соҳадаги муаммолар тилга олиниб, уларга ечим топиш юзасидан фикр-мулоҳазалар ва таклифлар билдирилди. Ўқувнинг сўнгги икки кунида тармоқ касаба уюшмасининг туман ва шаҳар кенгашларида ишни тўғри йўлга қўйиш,  касаба уюшмаларида ташкилий ҳужжатларни расмийлаштириш, меҳнат шартномаси бекор қилинганда ходимларга тўланадиган кафолатли тўловларни ҳуқуқий тартибга солиш ва бошқа масалалар хусусида атрофлича маълумот берилди.

– Ўқув бош ҳисобчиларнинг меҳнат муҳофазаси, тармоқ келишувлари ва жамоа шартномаларининг тўғри шакллантирилиши борасидаги билимларини янада бойитишга хизмат қилди, – дейди Агросаноат мажмуи ходимлари касаба уюшмаси Республика кенгашининг ташкилий ишлар бўйича мутахассиси Шоҳида Бегимқулова. – Келгусида улар олган билимларини иш жойларида ҳаётга татбиқ этиб, меҳнат муҳофазасининг янада мустаҳкамланишига, жамоа шартномаларининг бехато тузилишида ўз ҳиссаларини қўшадилар.

Ёшлар билан ишлаш комиссиялари раислари малака оширдилар

 

1F2A2546 1F2A2568 1F2A2554 photo5454293499244554622

 

 

 

 

Жорий йилнинг 12-16 ноябрь кунлари Кимё ва фармацевтика саноати ходимлари касаба уюшмаси Республика Кенгаши тизимидаги ташкилотлар касаба уюшмаси қўмитаси ёшлар билан ишлаш комиссиялари билан биргаликда Ахборот технологиялари ва оммавий коммуникация ходимлари касаба уюшмаси Республика кенгашининг Ёшлар бирлашмаси Раёсати аъзолари  раисларининг малакасини ошириш бўйича “Ўзбекистон  касаба уюшмалари Федерациясининг Ўқув маркази” нодавлат таълим муассасасида ўқув бўлиб ўтди.Ўқув дастури режаси “Касаба уюшмалари тизимида ёшлар сиёсати самарадорлигини ошириш истиқболлари” мавзуси асосида тузилган бўлиб, машғулотларни ўтказишдан мақсад ёшларни ижтимоий-иқтисодий манфаатлари, ҳуқуқий ҳимояси таъминланишида касаба уюшмалари ўрнини ҳамда ёшлар сиёсати самарадорлигининг устувор йўналишларини белгилашдан иборатдир.          Ўқув машғулотлари давомида “Ўзбекистон Республикаси Президенти Шавкат Мирзиёев асарларида ёшлар ҳуқуқлари масалаларининг акс эттирилиши”, “Ўзбекистон касаба уюшмалари Федерацияси Ёшларга оид сиёсати Концепцияси тўғрисида”, “Халқаро Меҳнат Ташкилоти (ХМТ) ва унинг конвенциялари”, “Меҳнат соҳасида ижтимоий шериклик асослари. Бандлик ва ижтимоий ҳимоя соҳасида касаба уюшмаларининг вазифалари”, “Конституция – юртимизда янги ҳаёт, янги жамият барпо этишнинг ҳуқуқий пойдевори”, “Жамоатчилик билан алоқалар – касаба уюшма ташкилотлари фаолиятини оммавий ахборот воситаларида ёритиш.  Касаба уюшмаларида  веб-сайтлар билан ишлаш. Касаба уюшмалари фаолиятини веб-сайтлар орқали ёритилишини ташкил этиш”, “Муносиб меҳнат – инсон фаровонлиги ва мамлакат тараққиётининг асоси  (Халқаро ва миллий тажриба асосида)” каби кўплаб долзарб ва иш фаолиятига таълуқли мавзуларда маърузалар ўқилди.

Машғулотлар давомида асосий эътибор ёшлар билан ишлаш комиссиялари раисларининг эгаллаган билимлари асосида келгусида жамоатчилик билан самарали фаолият олиб боришларига қаратилди.

Ўқув дастури режасига асосан маданий тадбирлар ташкил этилди.  Шунга кўра тингловчилар Темурийлар тарихи Давлат музейига ташриф буюрдилар. Тингловчилар Тошкент бўйлаб саёҳатда мустақиллик давридаги бунёдкорлик ишлари билан ҳам танишдилар.

Ҳафта сўнгида тингловчиларга ўтилган мавзулар юзасидан якуний тест синовлари асосида гувоҳномалар топширилди.

Ўқувда Соғлиқни сақлаш ҳодимлари

1F2A9258 1F2A9256 1F2A9253 1F2A9274

 

 

 

 

2018 йил 15 – 19 октябрь кунлари Ўзбекистон касаба уюшмалари Федерацияси Кенгаши Ўқув марказида  Соғлиқни сақлаш ходимлари  касаба уюшмаси тизимидаги йирик бошланғич касаба уюшмаси  ташкилотлари раислари малакасини ошириш бўйича учун  ўқув ташкил қилинди. Унда “Касаба уюшма ташкилотлари фаолиятини Устав талаблари ва меъёрий ҳужжатлар асосида ташкил этиш тўғрисида” дастури бўйича машғулотлар олиб борилди. Шунингдек Ўқув дастурда Ўзбекистон касаба уюшмалари Read more »